Toner အကြောင်း သိကောင်းစရာ

Tonerဆိုတာ မျက်နှာသန့်စင်တဲ့ အရည်ကြည်တမျိုးဖြစ်ပါတယ်။ တိုနာအာနိသင်က အညစ်အကြေးကို အဓိကဖယ်ရှားသန့်စင်ပေးတာ ဖြစ်တယ်။ မျက်နှာသစ်တွေသုံးပြီး ကျန်နေနိုင်တဲ့ အညစ်အကြေးကို ဗာတိုနာက ကောင်းကောင်းဖယ်ရှားပေးနိုင်တယ်။ နောက်ပြီး မျက်နှာအဆီပေါက်တွေကို ကျဉ်းစေတာမို့ အဆီပြန်ခြင်း ကင်းစင်စေတယ်။ အထူးသဖြင့် မိတ်ကပ်သုံးသူအများစုဟာ တိုနာသုံးသင့်တယ်။

လူ့အရေပြားက အက်ဆစ်ဖက် နည်းနည်းကဲလေ့ရှိတယ်။ ပုံမှန်အားဖြင့် pH 6-7 ကြားရှိတယ်။ မကောင်းတာက မျက်နှာသစ်ဆပ်ပြာ သုံးပြီးတဲ့အခါ pH ပြောင်းလဲပြီး အယ်လ်ကာလီဖက် ရောက်သွားတယ်။ အဲလိုအချိန်မျိုးမှာ toner သုံးစွဲခြင်းကအရေပြား pHကို ပြန်လည်ထိန်းညှိပြီး ပုံမှန်အတိုင်း ဖြစ်စေတယ်။ 

Toner အများစုဟာ အဆီပြန်တဲ့အသားရေနဲ့ အထူးသင့်တော်တယ်။မျက်နှာအဆီပြန်ရင်ဝက်ခြံထွက်တာ လူတိုင်းသိပါတယ်။ ဘာ့ကြောင့်လဲဆိုတော့ အဆီတွေက လေထုထဲမှာ ရှိတဲ့ ဖုန်မွှားတွေကို တွယ်ကပ်စေတယ်။ အဲဒီဖုန်မွှားတွေက တဆင့် အဆီဂလင်းကိုသွားပိတ်ရင်း အထဲမှာ ဗက်တီးရီးယားပေါက်ဖွားပြီး ဝက်ခြံကို ဖြစ်စေတယ်။ တိုနာသုံးစွဲခြင်းက အဆီပြန်ခြင်း ကင်းစင်စေလို့ တောက်ပကြည်လင်တဲ့ မျက်နှာကို ပိုင်ဆိုင်စေမှာ ဖြစိတယ်။ 

Toner အများစုမှာ ရေ၊ အရက်ပြန်၊ အလှဆီ၊အသားရေတငိးရင်းစေတဲ့ ပစ္စည်း(ရှားစောင်းလက်ပပ်)၊ ဓာတုပစ္စည်း တမျိုးမျိုးပါလေ့ရှိတယ်။ တိုနာအများစုရဲ့ အခြေခံဟာ Alcohol ဖြစ်လို့ သုံးပြီးခြောက်သွားတဲ့အခါ အရေပြားမှာ စပ်ဖျဉ်းဖျဉ်း အေးစက်စက် ခံစားရတယ်။ Alcohol မပါတဲ့ tonerတွေမှာ witch hazel (သို့) tea tree oil ကို သုံးစွဲကြတယ်။ ခြောကိသွေ့တဲ့အရေပြားတွေမှာ ရေဓာတ်အခြေခံ toner တွေသုံးကြတယ်။ Aloe vera, vitamin E , chamomile extract ပါတာတွေအသုံးများတယ်။ Chamomile နဲ့ marigold extracts ပါဝငိတာတွေက အသားရေကို ဖြူစေပြီး ဝက်ခြံမဲ(blackhead) တွေမှာ အသုံးဝသိတယ်။ဆေးကြာရှည်ခံအောင်ထိန်းသိမ်းတဲ့ parabens ,citric acid , potassium sorbate စတာတွေက ဗက်တီးရီးယားပေါကိဖွားမှုကို ကာကွယ်ပေးတယ်။ Polysorbate-20 နဲ့ castor oilတွေက toner တော်တော်များများမှာပါလေ့ရှိတယ်။

Toner တွေကို အမျိုးစားခွဲရင် စုစုပေါင်း (၃)မျိုး ရှိတယ်။

(1) Fresheners - ခြောက်သွေ့တဲ့အသားအရေတွက်သင့်တော်တယ်။ glycerin နဲ့ hyaluronic acid ပါရင် အစိုဓာတိထိန်းပြီး အရေပြားခြောက်သွေ့တာကို ကာကွယ်တယ်။ ပုံမှန်အားဖြင့် အယ်ကိုဟောသိပ်မပါပဲ ရေဓာတ်သာအဓိကထည့်ထားတယ်။ယေဘုယျ alcohol 10%အောက်မှာသာပါတယ်။ 

(2) Tonics - ပုံမှန် (သို့) အဆီပြန်တဲ့အသားရေမှာ သုံးနိုင်တယ်။ အယ်ကိုဟော နညိးနည်းပါတယ်။ alcohol 20% ထိပါနိုငိတယ်။ 

(3) Astringents - အယ်ကိုဟော အများကြီးပါတယ်။ ပုံမှန်အားဖြင့် alcohol 20-60 % ထိပါလေ့ရှိတယ်။ astringent toners တွေက အဆီပြန်တဲ့ မျက်နှာမှာ အသုံးဝငိတယ်။ နောက်ပြီး ပိုးသတ်တဲ့အာနိသင်ရှိတယ်။

အာနိသင်များ

အရေပြားမှာ ရှိတဲ့အညစ်ကြေးတွေကို ဖယ်ရှားပေးပြီး အဆီပေါက်တွေကို ကျဉ်းစေတယိ။ အဆီပြန်ခြင်း ကင်းစေတယ်။ အရေပြားကို သန့်စင်စေတယ်။ အစိုဓာတ်ကိုထိန်းပေးလို့ မျက်နှာကို ဝင်းပကြည်လင်စေတယ်။မျက်နှာသစ်ဆပ်ပြာက မဖယ်ရှားနိုငိတဲ့ အဆီတွေနဲ့ အညစ်ကြေးတွေကို ဖယ်ရှားပေးတယ်။ နောက်ပြီး ချိုးတဲ့ရေထဲမှာပါတဲ့ မကောင်းတဲ့ဓာတ်တွေကို ကာကွယ်ပေးတယ်။ဒါတင်မက မျက်နှာအရေပြား pHကိုပါ ထိနိးသိမ်းပေးတယ်။

ဘယ်အချိန်သုံးမလဲ

မနက်တကြိမ်၊ ညတကြိမ် သုံးစွဲသင့်တယ်။ ညမှာထွက်တဲ့အဆီတွေကို မအိပ်ခင် ဖယ်ရှားရမှာ ဖြစ်သလို မနက်မှာလည်း တကြိမ် ရှင်းလင်းရမယ်။ တိုနာလိမ်းတဲ့အခါ မျက်နှာတပြင်လုံး အနှံ့သုံးဖို့လိုတယ်။ ဂွမ်းစလေးနဲ့ပွတ်ပြီး သုံးနိုင်တယ်။ မျကိနှာပေါ်ဖြန်းနိင်တယ်။ မျကိနှာmask အနေနဲ့ အုပ်ပြီးသုံးနိုင်တယ်။ 

အိမ်တွင်း Toner လုပ်နည်း

ရေထမင်းစားဇွန်းဆယ်ဇွန်းယူပြီး ဆေးဖက်ဝင် witch hazel (astringent) နှစ်ဇွန်းနဲ့ရောပါ။ မျက်နှာ သန့်စင်ဖို့ လက်ဖက်စိမ်းရွက်ဆီ ၅စက် ခန့် ထည့်ပါ။ အဆီပြန်တဲ့အသားရေအတွက် အရက် ထမင်းစားဇွန်း နှစ်ဇွန်းထပ်ထည့်ပါ။ သမအောင်မွှေပြီး ဆယ်မိနစ်ခန့်ထားပါ။ ပြီးရင် သန့်စင်တဲ့ ဂွမ်းစနဲ့ မျက်နှာကို လိမ်းနိုင်ပါတယ်။ 

Toner အသုံးပြုနည်း

အရင်ဆုံးမျက်နှာကို ရေခပ်နွေးနွေးသုံးပြီး မျက်နှာသစ်ဆပ်ပြာတမျိုးမျိူးနဲ့ သန့်စင်ပါ။ ပြီးရင် မျက်နှာ ခြောက်သွေ့အောင်ထားပါ။ ငါးမိနစ်ခန့်ကြာတဲ့အခါ မျက်နှာပြင်အနှံ့ Toner ကို စတင်လိမ်းလို့ရပါပြီ။လိမ်းတဲ့အခါ နူးညံ့တဲ့ cotton pad ဂွမ်းစလေးနဲ့ပွတ်ပြီး သုံးရတယ်။ ပြီးရင် သုံးမိနစ်ခန့် ခြောက်သွေ့အောင်ထားပါ။ အဆီပြန်တဲ့အသားရေမှာ အပေါ်က AHA ပါတဲ့ လိမ်းဆေးတမျိုး ထပ်လိမ်းပါ။ ပြီးရင် serum တခု အပေါ်က ထပ်လိမ်းပါ။ နောက်ဆုံးကျမှ moisturizier ကို လိမ်းသင့်ပါတယ်။ သတိပြုရမှာက moisturizier ဆိုတာ အစိုဓာတ်ထိန်း ပစ္စည်းတမျိုးဖြစ်ပြီး မျက်နှာမှာ အလွှာပါးတခုအနေနဲ့ ဖုံးကွယ်ပြီး ရေဓာတ်မဆုံးရှုံးအောင် ကာကွယ်ပေးမှာ ဖြစ်တယ်။ ဒါ့ကြောင့် အဲဒီအပေါ်မှာ ဘာပစ္စည်းမှထပ်မလိမ်းသင့်တော့ပါ။ တချို့ အဆီပြန်လွန်းတဲ့ အသားအရေမှာ အစိုဓာတ်ထိန်းပစ္စည်း moisturizier ကြောင့် ပိုဆိုးလာတာလည်း ရှိနိုင်တယ်။ ဒါ့ကြောင့် သတိထားသုံးစွဲသင့်တယ်။

ဒေါက်တာ အေးမင်းထူး

ကင်ဆာအကြောင်း သိကောင်းစရာ

ကမ္ဘာပေါ်မှာ ကင်ဆာ အမျိုးအစားပေါင်း(၂၀၀)ကျော်နီးပါး ရှိပါတယ်။ ကင်ဆာဆိုတာ ဆဲလ်တခုချင်းဆီရဲ့ မျိုးဗီဇgene တွေပြောင်းလဲရာကနေ ဖြစ်ပေါ်လာတဲ့ရောဂါမျိုးပါ။ ခန္ဓာကိုယ်တွင်း ဆဲလ်ရှိတဲ့ နေရာတိုငိးမှာ ကင်ဆာဖြစ်နိုင်ပါတယ်။ ဆဲလ်ဆိုတာ သက်ရှိတခုရဲ့ အခြေခံအကျဆုံး အစိတ်အပိုင်းတခု။ ဆဲလ်တွေပေါင်းစပ်ပြီးမှ သက်ရှိဖြစ်လာတယ်။ ဆဲလ်တခုချင်းစီမှာ အဓိကထိန်းချုပ်ထားတဲ့  နယူးကလီးယက်(nucleus)ဆိုတာရှိတယ်။ နယူးကလီးယက်က ဆဲလ်ရဲ့ ဆဲလ်အလယ်မှာ။အဲဒီနယူးကလီးယက်ထဲမှာ ခရိုမိုဇုန်းဆိုတဲ့ အမျှင်လေးတွေပါရှိတယ်။ မျိုးဗီဇတခုအတွက်  ခရိုမိုဇုန်းက အရေးကြီးဆုံးပဲ။ ခရိုမိုဇုန်းဆိုတာ DNA(deoxyribonucleic acid) ခေါ်တဲ့ မျိုးဗီဇအမျှင်တွေယှက်နွယ်ပြုလုပ်ထားခြင်း ဖြစ်ပါတယ်။ DNA ထဲမှာ ထောင်ပေါင်းများစွာသော gene(တနည်းအားဖြင့် code) တွေပါတယ်။ ဆဲလ်တခုချင်းဆီရဲ့ ကွဲပွားမှု၊ ဆောင်ရွက်ချက်တွေကို သူတို့က စနစ်တကျထိနိးကျောင်းပေးတယ်။ အဲဒီမျိုးဗီဇတွေ ပြောင်းလာရင် ကင်ဆာဆိုတာ ဖြစ်လာလိမ့်မယ်။ 

ကင်ဆာလို့ပြောဖို့ ဆဲလ်တွေဟာ အရင်ဆုံးမျိုးဗီဇပြောင်းလဲမှုရှိရပါတယ်။ ပြီးရင် ပုံမှန်ဆဲလ်အစား ပုံမမှန်တဲ့ဆဲလ်တွေက ဝင်ရောက်နေရာယူတယ်။ အဆိုပါဆဲလ်တွေဟာ အချိန်အနည်းငယ်အတွင်းမှာပဲ ရုတ်တရက် ကြီးထွားလာတယ်။ အဲဒီလို ဆဲလ်ကြီးထွားမှုက ကင်ဆာအကျိတ်(tumour)ကို ဖြစ်စေတာပါ။ ပြီးရင် အဲဒီဆဲလ်တွေက ထိန်းချုပ်လို့မရလောက်အောင် တကိုယ်လုံး ပျံ့နှံ့သွားပါတယ်။ အဲဒီမှာ ကင်ဆာပျံ့တယ်ဆိုတာ ဖြစ်လာတယ်။

ကင်ဆာကို မြန်မာလို မြစ်ပွားနာလို့ ခေါ်တယ်။ စဖြစ်တဲ့နေရာကို primary lesion site လို့ သုံးပါတယ်။ တချို့ကင်ဆာဆဲလ်တွေက ပျံ့နှံ့တတ်ပြီး တခြားအင်္ဂါအစိတ်အပိုင်းတွေကို ထိခိုက်စေတယ်။ အဲလိုဖြစ်တဲ့နေရာကို secondary lesion site ခေါ်တယ်။ metastasis ဆိုတာ ကင်ဆာပျံ့နေပြီကို ဆိုလိုတာပါ။ ကင်ဆာဆဲလ်တွေဟာ သွေးနဲ့ ပြန်ရည်ကြောစနစ်ကနေ ပျံ့နှံ့လေ့ရှိတယ်။ 

 ဆဲလ်အမျိုးအစားပေါ်မူတည်ပြီး ယေဘုယျ ကင်ဆာအမျိုးအစား(၅)မျိုး ခွဲလိုက်တယ်။ 

CarcinomasLymphomasLeukaemiasBrain tumoursSarcomas

ကင်ဆာနဲ့ပက်သတ်ပြီး သတိထားစရာ လက္ခဏာ(၁၀)ခု ရှိပါတယ်။ ပုံမှန်မဟုတ်တဲ့ အလုံးအကျိတ်တွေထွက်လာခြင်း၊ အနာကျက် နှေးကွေးလာခြင်း၊ မှဲ့အရွယ်အစား၊ပုံသဏာန် နဲ့ အရောင် ပြောင်းလဲလာခြင်း၊ အစာမျိုရခက်ခြင်း၊ ဆီး(သို့) ဝမ်းချုပ်ခြင်း၊ ဆီး(သို့) ဝမ်းသွားတဲ့အခါ သွေးပါခြင်း၊ အသက်ရှုကျပ်ခြင်း၊မောပန်းလွယ်ခြင်း၊ အစားပျက်ခြင်း၊ ရုတ်တရက်ဝိတ်ကျခြင်း စတာတွေ ဖြစ်လာရင်သတိထားပါ။

ဆေးပညာမှာ ရောဂါအခြေနေပေါ်မူတည်ပြီး ကင်ဆာအဆင့် သတ်မှတ်ချက်တွေရှိပါတယ်။ဆဲလ်ကွဲပွားမှု၊ ဆဲလ်ပျံ့နှံ့မှုအခြေအနေနဲ့ ဆေးကုသရာမှာ အလွယ်တကူ ရွေးချယ်နိုင်အောင် သတ်မှတ်လိုက်တာ ဖြစ်ပါတယ်။ အဏုကြည့်မှန်ဘီလူးအောက်မှာ ဆဲလ်တွေရဲ့ ပြောင်းလဲမှု အခြေအနေကိုကြည့်ပြီး grading အဆင့်သတ်မှတ်ကြတယ်။ အသုံးများတဲ့ grading အဆင့်သတ်မှတ်ချက် နှစ်ခုရှိတယ်။

ပထမတခုက TNM staging ဖြစ်ပါတယ်။ ကင်ဆာတခုရဲ့အရွယ်အစားနဲ့ ကင်ဆာဆဲလ်ပျံ့နှံ့ပုံကို အဓိက ပြောနိုင်တယ်။ T ဆိုတာ ကင်ဆာကျိတ်Tumour ရဲ့ အရွယ်အစား။ ဖြစ်တဲ့ပတ်ဝန်းကျင်မှာ ကင်ဆာကျိတ်ရှိ မရှိ သိနိုင်တယ်။ N ဆိုတာ node၊ ပြန်ရည်ကြောဂလင်းတွေကို ပျံ့နှံ့နေပြီလား သိနိုင်တယ်။ M ကတော့ metastasis ခေါ်တဲ့ တခြားအင်္ဂါအစိတ်ပိုင်းတွေကို ပျံ့နှံ့မှု အခြေအနေကို ပြောတာဖြစ်ပါတယ်။ 

နောက်တခုက ရောဂါအဆင့်သတ်မှတ်ချက် ဖြစ်ပါတယ်။ ကင်ဆာရောဂါအများစုမှာ ဒီအဆင့်သတ်မှတ်ချက်က်ို အသုံးများကြတယ်။

stage 1- ကင်ဆာဖြစ်စအခြေအနေဖြစ်ပါတယ်

stage 2- ကင်ဆာကတဖြည်းဖြည်းကြီးထွားလာပြီ

stage 3- နီးစပ်ရာတစ်ရှုးတွေမှာ ကင်ဆာရောက်နေပြီ

stage 4- တခြားအင်္ဂါအစိတ်အပိုင်းတွေထိ ကင်ဆာဆဲလ်တွေ ပျံ့နေပြီ

stage 0ဆိုတာလည်း ရှိသေးတယ်။ precancerous changes ကင်ဆာမဖြစ်ခင် အခြေအနေမျိုးပေါ့။ ဒီအဆင့်မှာ ပုံမမှန်တဲ့ဆဲလ်တွေ စတွေ့နေရပြီ။ ဆဲလ်တွေဟာ တချိန်ချိန်မှာ ကင်ဆာအဆင့် ပြောင်းလဲလာနိုင်တယ်။ ဒါ့ကြောင့် သတိထားသင့်တယ်။ ဒါပေမယ့် သေချာပေါက်ပြောင်းလဲနိုင်တာမျိုးတော့ မဟုတ်ဘူး၊  ဒီအဆင့်ကို "carcinoma in situ" လို့ ခေါ်ပါတယ်။

သီအိုရီအရ ကင်ဆာရောဂါဟာ မျိုးရိုးလိုက်တတ်တယ်။ နောက်ပြီး ပတ်ဝန်းကျင်အနေအထိုင် အစားအသောက်နဲ့လည်း သက်ဆိုင်တယ်။ဥပမာ ဆေးလိပ်၊ ဆေးရွက်ကြီး သုံးစွဲမှု၊ လေထုညစ်ညမ်းမှု၊ ဓာတုပစ္စည်း၊ ဓာတ်ရောင်ခြည်သင့်ခြင်း၊အဝလွန်ရောဂါ၊ ကိုယ်လက်လှုပ်ရှားမှုနည်းခြင်း၊အစားအသောက်၊ ဗိုင်းရပ်စ်ပိုးမွှား စတာတွေဟာ ကင်ဆာဖြစ်နိုင်ချေကို ပိုများလာစေတယ်။ဒါတွေဟာ ဆဲလ်တွင်းမျှခြေကို ပျက်ပြားသွားစေတယ်။ 

ကင်ဆာဆဲလ်အများစုဟာ ကြီးထွားမှု မြန်ဆန်တတ်ကြတယ်၊ ဘာ့ကြောင့်လဲဆိုတော့ ဆဲလ်ကွဲပွားမှုနဲ့ သွေးကြောတွေ များလာလို့ဖြစ်ပါတယ်။ ဆဲလ်ကွဲပွားခြင်း သီအိုရီအရ အသစ်ဖြစ်ပေါ်တဲ့ ဆဲလ်တွေဟာ ဆဲလ်ဟောင်းတွေကို အပြင်ဖက် တွန်းထုတ်တယ်။  အဆက်မပြတ်ကြီးထွားလာတဲ့ ကင်ဆာဆဲလ်တွေ  သွေးကြောနဲ့ ဝေးရာကို ရောက်တယ်။ တနည်းအားဖြင့် သွေးလုံလောက်မှု၊ အောက်စီဂျင်ထောက်ပံ့မှု မရှိတော့ဘူး၊ တခြားဆဲလ်တွေလိုပဲ ကင်ဆာဆဲလ်တွေဟာလည်း အောက်စီဂျင် လိုအပ်ပါတယ်။ အောက်စီဂျင်မရတော့တဲ့နေရာတွေမှာ သွေးကြောသစ်ဖြစ်ပေါ်အောင် လှုံ့ဆော်ရတယ်၊  သွေးကြောသစ်ဖွဲ့စည်းတာကို angiogenesis ခေါ်ပါတယ်။ နဂိုကတည်းက ပုံမှန်ထက် ပွားများလွယ်တဲ့ ကင်ဆာဆဲလ်တွေကို သွေးကြော၊ အာဟာရ လုံလုံလောက်ရတဲ့အခါ ကြီးထွားမှု ပိုမိုမြန်ဆန်လာတယ်။ ကင်ဆာအကျိတ်က သိသိသာသာဖြစ်လာတယ်။ ကင်ဆာကျိတ်တခုမှာ ပုံမှန်မဟုတ်တဲ့ဆဲလ်အရေအတွက် သန်းချီပြီး ရှိနေတယ်။ အဲလိုဆဲလ်တွေဟာ တခြားအစိတ်အပိုင်းကို ပျံ့နှံ့ဝင်ရောက်မှု ပိုမိုလွယ်ကူပါတယ်။ ဒါ့ကြောင့် ကင်ဆာတခုဖြစ်ရင် ကြီးထွားဖို့ မြန်ဆန်သလို ပျံ့နှံ့ဖို့လည်း လွယ်ကူတာဖြစ်ပါတယ်။ 

ကင်ဆာဖြစ်ရင် ကုသလို့ရတယ်။အများထင်သလို ကင်ဆာတိုင်း ကုမရဘူးဆိုတာလည်း မှားပါတယ်။ သေမိန့်ချပြီး ဖြစိတယ်ဆိုတာလည်းမမှန်ပါ။ စောစောသိလေ ကုသဖို့ လွယိကူလေပဲ။ ကင်ဆာကုသတဲ့အခါ အဆင့်တွေပေါ်မူတည်ပြီး ကုသရတယ်။ ကင်ဆာကုသနည်း နှစ်မျိုးရှိတယ်။ခွဲစိတ်နည်းနဲ့ ဆေးသွင်းနည်း။ ဆေးသွင်းနည်းမှာ ဓာတ်ရောင်ခြည်ပေးခြင်း(ဓာတ်ကင်တာ)နဲ့ ကင်ဆာဆေးသွင်းခြင်းဆိုပြီး နှစ်မျိုးရှိတယ်။ ခွဲစိတ်နည်းဟာ ကင်ဆာဖြစ်စအခြေအနေမျိုးမှာ အသုံးဝင်ပါတယ်။ ဓာတ်ကင်တာကတော့ နီးစပ်ရာအစိတ်ပိုင်းတွေပျံ့နှံ့တဲ့အခါ(သို့) ခွဲစိတ်ပြီး ကျန်တဲ့ ကင်ဆာဆဲလ်တွေကို ရှင်းလင်းတဲ့အခါအသုံးပြုတယိ။ ကင်ဆာဆေးသွင်းတာကတော့  တကိုယ်လုံးပျံ့နှံ့တဲ့ နောက်ဆုံးအဆင့် ကင်ဆာမျိုးမှာ သုံးလေ့ရှိတယ်။ ဘေးထွက်ဆိုးကျိုးလညိး အင်မတန်များလို့ ဂရစိုက်ရတယ်။ တခါတရံရောဂါအခြေနေပေါ်လိုက်ပြီး ကုသနည်းတွေ ပေါင်းစပ်အသုံးပြုရတာမျိုရှိတတ်တယ်။ ကင်ဆာသဘောက ပြန်ဖြစ်တတ်တယ်။ ကင်ဆာဆဲလ်အားလုံး မဖျက်ဆီးနိုင်ပဲ ကျန်ခဲ့တဲ့ဆဲလ်တွေကနေတဆင့် ပြန်ဖြစ်တာမျိုး၊ ဒါမှမဟုတ်  ကင်ဆာဆဲလ်က တခြားနေရာပျံ့နှံ့ပြီးသား အခြေအနေကနေ ကင်ဆာကျိတ်တွေထွက်လာတာ ဖြစ်ပါတယ်။ 

ဒီဖက်ခေတ်မှာ ကင်ဆာက်ု အထူးသတိထားလာကြပြီ။ အမေရိကားမှာ  နှလုံးရောဂါပြီးရင် ကင်ဆာဟာ ဒုတိယမြောက် အသေပျောက်အများဆူံးဖြစ်ပါသတဲ့။ ၂၀၁၂က ကိန်းဂဏာန်းတွေအရ တကမ္ဘာလုံးကင်ဆာကြောင့် သေဆုံးမှုဟာ ၈.၂သန်းကျော်ရှိတယ်။ အမျိုးသားဦးရေက ၄.၇သန်း(၅၇ရာခိုင်နှုန်း)နဲ့ အမျိုးသမီးဦးရေ ၃.၅သန်း(၄၃ရာခိုင်နှုန်း) စီရှိတာတွေ့ရတယ်။ဒါ့ကြောင့် အမျိုးသားတွေက အမျိုးသမီးတွေထက် ပိုအဖြစ်များလေ့ရှိတာ တွေ့ရတယ်။ သေဆုံးမှုနှုန်းထားတွေကို လေ့လာတဲ့အခါ လူတစ်သိန်း(၁၀၀,၀၀၀)ရှိတိုင်း ကင်ဆာကြောင့်အသက်ဆုံးရှုံးမှုဟာ အမျိုးသားမှာ ၁၂၆ယောက်၊ အမျိုးသမီးမှာ ၈၃ယောက်စီရှိပါသတဲ့။ 

ကင်ဆာနဲ့ အစားအစာ ဆက်စပ်တယ်လို့ အများစုက လက်ခံထားပါတယ်။ အစားအစာတမျိုးထဲ စားရုံနဲ့ ကင်ဆာကို မကာကွယ်နိုင်ပါ။ ဒါ့ကြောင့် အစား စုံအောင်စားရတယ်။ အသီးအရွက် အရောင်စုံရင် ကောင်းတယ်။ဖောလစ်အက်ဆစ်ဖြည့်တင်းပေးရတယ်။ စိမ်းတဲ့အရွက်ကို ဆိုလိုချင်တာပါ။ နီတဲ့အသားများများ မစားအပ်ပါ။ နီတဲ့အသီးအရွက်တော့ တဲ့တယ်။ခရမ်းချဉ်သီးမှာပါတဲ့ lycopene ဟာ ကင်ဆာတိုက်ဖျက်တဲ့ဓာတ်တမျိုးဖြစ်တယ်။ ဒီနောကိပိုင်း green tea လက်ဖက်စိမ်းကိုလည်း တော်တော်ပြောလာကြပြီ။ ခါးတဲ့ အသီးအရွက်များများစားပါ။ အစေ့အဆန် လက်တဆုပ်စာ နေ့တိုင်း စားသငိ့တယ်။ ဘယ်ရီသီး၊ခရမ်းချဉ်သီး၊ စပျစ်သီးစတာတွေက ကင်ဆာတိုက်ဖျက်ရာမှာ အသုံးဝင်တယ်။ ဗီတာမင်အားဆေးတွေက ကင်ဆာ ကာကွယ်နိုင်တယ် ပြောတာတော့ နည်းနည်း စောလွန်းနေပါသေးတယ်။ သဘာဝမဟုတ်တာမှန်သမျှ ဆက်လက်လေ့လာဖို့လိုနေဆဲ ဖြစ်ပါတယ်။

ဒေါက်တာ အေးမင်းထူး

ကုပ် ကျီးပေါင်း တက်ခြင်း ( Cervical Spondylosis )

မွေးကင်းစ ကလေး တစ်ယောက်မှာ အရိုးပေါင်း ၂၇ဝ လောက် ရှိပါတယ်။ အသက်အရွယ် တဖြည်းဖြည်း ရလာတော့ အရိုးတွေ တစ်ခုနဲ့ တစ်ခု ပေါင်းစပ်လာပြီး နောက်ဆုံးမှာ ၂ဝ၆ ရိုး လောက်ပဲ ကျန်တော့ တယ်။ ဒီထဲမှာမှ လူ့ခန္ဓာကိုယ် တစ်ခုလုံးကို ထောက်ပံ့ ထားတဲ့ အဓိက အရိုးကတော့ ကျောရိုး ဆစ် မကြီး ( Spinal Column ) ဖြစ်ပါတယ်။ ကျောရိုးဆစ် ဆိုတာ အရိုးဆစ် ပေါင်း ၃၃ ခုနဲ့ တွယ်ဆက် ထားပြီး ကုပ်ကနေ မြီးညောင်းရိုးထိ ၂၈ လက်မ လောက် ရှည်တယ်။ ခန္ဓာကိုယ် လှုပ်ရှား မှုအတွက် အရေးကြီးတဲ့ အရိုးဖြစ် သလို ဒုက္ခ အပေးနိုင်ဆုံး အရိုးလဲ ဖြစ်တယ်။ ခန္ဓာဗေဒကို လေ့လာ ကြည့်ရင် အရိုးတွေဟာ အုတ်ခဲတွေ စီထားသလို တစ်ခုနဲ့ တစ်ခု ထပ်နေတယ်။ ကြားထဲမှာ အင်္ဂတေလိုမျိုး ကြားခံ Intervertebral Disc ဆိုတာက ခံပေးထား ရတယ်။ ကူရှင် သဘော ဖိအားကို အလိုက်သင့် ထိန်းပေးဖို့ ဖြစ်ပါတယ်။ အရိုးတွေကို တည်ငြိမ် နေအောင်၊ မြဲမြံနေအောင် တွယ်ဆက် ပေးရတာက အရွတ်တွေ ဖြစ်ပါတယ်။ အဆစ်ကတော့ လှုပ်ရှား နိုင်အောင် ပြုလုပ်ပေး သလို လှုပ်ရှားမှု ကိုလဲ ကန့်သတ် ပေးတယ်။ ကြွက်သား တွေကတော့ အရိုးအဆစ် တွေရဲ့ လှုပ်ရှားမှုကို ဖြစ်စေပါတယ်။ ကျောရိုးဆစ် တွေရဲ့ အလယ်မှာ Spinal Cord ခေါ်တဲ့ အာရုံ ကြောမကြီး တစ်ချောင်းက ဖြတ်သွားတယ်။ အဲဒီ ကျောရိုးမရဲ့ တစ်ဖက် တစ်ချက်စီက ထွက်လာတဲ့ အာရုံကြော သေးသေးလေး တွေက ခံစားမှုနဲ့ လှုပ်ရှားမှုကို ဖြစ်စေတယ်။

အသက်အရွယ် ကြီးရင့် လာတဲ့အခါ အရိုးတွေ ကြားမှာရှိတဲ့ Intervertebral Disc ကြားခံလွှာက ကြွပ်ဆတ် လာတယ်။ နှစ်ပေါင်းများစွာ အဖိနှိပ်ခံ ထားရ တာကြောင့် ကြားခံလွှာက ပြားချပ် လာပါတယ်။ ရလဒ် ကတော့ အဆစ်တွေ ကျွံပြီး အထဲမှာရှိတဲ့ ကျောရိုးမ (သို့မဟုတ်) ကျောရိုးက ထွက်လာတဲ့ အာရုံ ကြော တွေကို သွားဖိပြီး ကျီးပေါင်းရဲ့ လက္ခဏာ တွေ ခံစား လာရတယ်။

ကုပ်မှာဖြစ်ရင် ကုပ်ကျီးပေါင်း ( Cervical Spondylosis ) လို့ ခေါ်ပါတယ်။ ကျီးပေါင်းကြောင့် လက်ပြင် အောင့်သလို တင်းပြီး နာကျင် နေတတ်တယ်။ ပခုံးကနေ လက်ချောင်းတွေ ထိ အပ်နဲ့ ထိုးသလို တဆစ်ဆစ် ထုံကျင် နေတာလဲ ရှိတယ်။ ဘယ်ဘက် လက်မှာ ဖြစ်ရင် နှလုံးရောဂါနဲ့ မှားတတ်တယ်။ ကုပ်ကျီးပေါင်း ကနေ အာရုံကြောမ Spinal Cord ကို သွားထိရင် Cervical Myelopathy ဆိုတာ ဖြစ်လာတယ်။ ရောဂါက ပိုဆိုး လာတယ်။ ကျောရိုး အထက် အာရုံကြော အရင်းပိုင်းကို ထိခိုက်လို့ ခန္ဓာကိုယ် အောက်ပိုင်းမှာ အားနည်း လာတယ်။ အထူးသဖြင့် ကျောရိုးက ထောက်ပံ့တဲ့ ခြေထောက်ရဲ့ လှုပ်ရှားမှုနဲ့ တည်ငြိမ်မှုကို ထိခိုက် စေတယ်။ ခြေထောက် အားယုတ် လာသလို ဖြစ်ပြီး အကြောတွေ တောင့်တင်း လေးလံလာတယ်။ လမ်းလျှောက်ပုံ မမှန်ဘဲယိမ်းယိုင် နေတယ်။ ဖြစ်တဲ့ ပုံစံက ဒူး အဆစ်ရောင် တာနဲ့လဲ မှားတတ်တယ်။ ညဘက် ဆီး မကြာခဏ သွားတာ ကျောမှာ ရှိတဲ့ အာရုံကြောမ ကြီးပေါ် သက်ရောက်မှု ကြောင့် ဖြစ်ပါတယ်။ မကုဘဲ ထားရင် နောက်ပိုင်းမှာ ဆီး၊ ဝမ်း မထိန်းနိုင် တာမျိုးထိ ဖြစ်လာ တတ်တယ်။ ကုသနည်းတွေက ရောဂါ လက္ခဏာ ပေါ်မူတည်ပြီး ကွဲပြား သွားတယ်။ အများစု က ရောဂါပိုဆိုး မလာအောင် နဲ့ ဝေဒနာကို ယာယီ သက်သာ စေဖို့သာ ဖြစ်ပါတယ်။ ဒီအတွက် ဘာလုပ် ကြသလဲ။ လေ့ကျင့်ခန်း လုပ်ခိုင်းတယ်။ အလွယ်တကူ အိမ်မှာတင် ဇက် လေ့ကျင့်ခန်း လုပ်ပေး နိုင်ပါတယ်။

ခေါင်းလှည့် လေ့ကျင့်ခန်း တစ်နေ့ သုံးကြိမ် (၅) မိနစ်စာ လောက် လုပ်ပါ။ ကျီးပေါင်းဆိုတာ အရိုးအဆစ် တွေ တဖြည်းဖြည်း ပျက်စီး ယိုယွင်း လာတဲ့ ရောဂါမျိုး ဖြစ်ပါတယ်။ ပျက်စီးမှုက နှေးတာနဲ့ မြန်တာပဲ ကွာခြားတယ်။ ပျက်စီးနေတဲ့ အဆစ် အမြစ်က အာရုံခံကြော တွေကို ဖိမိတဲ့ အခါ ကျီးပေါင်း လက္ခဏာတွေ စတင် ခံစားလာ ရတယ်။ ဘယ်အချိန်မှ စတင် ခံစားရလဲ တစ်ယောက် နဲ့ တစ်ယောက် မတူနိုင်ဘူး။ အသက်အရွယ်၊ အလုပ်အကိုင်၊ အနေအထိုင် ပေါ်လဲ မူတည်တယ်။ တချို့က သိပ်မဆိုး ပေမယ့် တချို့ကတော့ မခံနိုင် အောင် နာကျင် တတ်တယ်။ တူညီတာက တစ်ချိန်ချိန်မှာ ရောဂါပိုဆိုး လာတာပဲ ဖြစ်တယ်။

ဒေါက်တာ အေးမင်းထူး

ကံ၊ စိတ်၊ ဥတု၊ အာဟာရ

ကျန်းမာရေး မကောင်းလို့ ငွေကုန်လူပန်း ဖြစ်နေကြတဲ့ လူနာတွေအတွက် စိတ်မသက်မသာဖြစ်မိလို့ ကျန်းမာခြင်းရဲ့ အကြောင်းတရားတွေဖြစ်တဲ့ ကံ၊စိတ်၊ဥတု၊ အာဟာရ အကြောင်းကို စာတစ်ပုဒ်ရေးဖို့ စိတ်ကူးမိပါတယ်။ မြန်မာတိုင်းရင်း ဆေးပညာနဲ့ ပတ်သက်ပြီးကျွန်မမှာ ဗဟုသုတအခြေခံ မရှိတဲ့အတွက် ကျွန်မလေ့လာမှတ်သားထားတဲ့ အနောက်တိုင်း ဆေးပညာအယူအဆနဲ့ လူနေမှုဘ၀ အတွေးအမြင်အချို့ကို ဆက်စပ်ပြီး ဆွေးနွေးတင်ပြ သွားပါမယ်။

နံပါတ်တစ် အရေးကြီးဆုံးအကြောင်းကတော့ ကံပဲဖြစ်ပါတယ်။ ကံကြောင့် လူတွေကျန်းမာကြတယ်၊ အနာရောဂါ ထူပြောကြတယ်။ ကံဆိုတဲ့နေရာမှာ အတိတ်ဘ၀ကပြုခဲ့တဲ့ကံ၊ ယခုဘ၀ပြုခဲ့တဲ့ကံ နှစ်မျိုးလုံးနဲ့ ဆိုင်ပါတယ်။ အရင်ဘ၀က သီလမလုံတဲ့လူ၊ သူတစ်ပါးကို ညှင်းပန်းနှိပ်စက်ခဲ့တဲ့လူတွေဟာ အနာရောဂါထူပြောတတ်တယ် ဆိုတာကို ကံ၊ကံ၏ အကျိုးကို ယုံကြည်သူတိုင်း လက်ခံကြပါလိမ့်မယ်။ ဘယ်သူမပြု မိမိမှုဆိုသလို အရင်ဘ၀က မကောင်းခဲ့လို့ ဒီဘ၀မကျန်းမမာ ဖြစ်နေရသူတွေ နောင်ဘ၀ကောင်းအောင် သီလစောင့်ဖို့လို ပါတယ်။ သီလစင်ကြယ်ရင်၊ ၀ိပသနာ ဘာဝနာပွားနိုင်ရင် ယခုဘ၀ခံစားနေရတဲ့ ဝေဒနာအချို့ကို သက်သာစေနိုင်ပါတယ်။ အရင်ဘ၀က သီလအားကောင်းခဲ့လို့ ကျန်းမာနေသူတွေကလည်း ကျန်းမာရေးနဲ့ ညီညွတ်အောင် နေထိုင်ပြုမူ ဖို့လိုအပ်ပါတယ်။ အချိန်မှန်အိပ်၊ မျှတတဲ့ အာဟာရကို အချိန်မှန်စား၊ လေ့ကျင့်ခန်း ပုံမှန်လုပ်ပြီး၊ ကိုယ်အလေးချိန် ထိန်းရပါမယ်။ ဆေးလိပ်သောက်တာရှောင်ရမယ်။ အရက်အလွန်အကျွံသောက်ခြင်းကို ရှောင်ရမယ်။ အတိတ်ကံ ကောင်းပါလျှက်၊ ဒီဘ၀ပြုတဲ့ကံ မကောင်းရင်၊ ဆင်ဆင်ခြင်ခြင်မနေရင် ရောဂါထူပါလိမ့်မယ်။

ဒုတိယ အရေးကြီးဆုံးအကြောင်းက စိတ်ပါ။ ကိုယ်ကျန်းမာရေးနဲ့ စိတ်ကျန်းမာရေးဟာ တိုက်ရိုက်ကို ဆက်စပ်နေ ပါတယ်။ ယခုအဖြစ်များနေတဲ့ နှလုံးရောဂါ၊ ဆီးချို၊သွေးတိုး၊ လေဖြတ်ရောဂါနဲ့ ကင်ဆာရောဂါတွေဟာ အစားအသောက်၊ လူနေမှုစနစ်နဲ့ စိတ်ဖိစီးမှု များလို့ ဖြစ်ရတဲ့ရောဂါတွေ ဖြစ်ပါတယ်။ မလေးရှားမှာ အလုပ်လုပ်နေကြတဲ့ အသက်နှစ်ဆယ် သုံးဆယ်အရွယ်အချို့တွေ သွေးတိုးရှိကြတယ်။ ဆွေမျိုးမိသားစုရဲ့ အကြင်နာ မေတ္တာတွေနဲ့ ကင်းကွာနေရပြီး၊ အဆင်မပြေတာ မကျေနပ်စရာတွေကို နေ့စဉ်ရင်ဆိုင်နေရတဲ့ စိတ်ဖိစီးမှု ဒဏ်တွေကြောင့် ငယ်ငယ်ရွယ်ရွယ်နဲ့ ရောဂါရကြတယ်။ လူနေမှုစနစ် ကမောက်ကမ နိုင်လှပြီး၊ စိတ်ဖိစီးမှုတွေ သိပ်များကြတဲ့ မြန်မာပြည်ကလူတွေ ရောဂါဘယ ထူပြောကြတယ်။ ဆေးကုစရာ ပိုက်ဆံမရှိလို့ အသက်တိုကြတယ်။ အာဖရိကန် နိုင်ငံတွေပြီးရင် မြန်မာပြည်ရဲ့ ပျမ်းမျှလူ့သက်တမ်းဟာ ကမ္ဘာမှာအနိမ့်ဆုံး ဖြစ်နေပါတယ်။

ခေတ်စနစ်ကို ပြင်နိုင်တဲ့ အရည်အချင်း မရှိလေတော့၊ ဆန္ဒနဲ့ ဘ၀ သီးခြားဖြစ်နေရတဲ့ အခြေအနေမှာ ကျွန်မတို့ စိတ်ချမ်းသာ ကိုယ်ကျန်းမာအောင် ဘယ်လိုနေကြမလဲဆိုတာကို အဖြေရှာပြီး နေတတ်အောင် နေကြရုံပဲ ရှိပါတယ်။ သီလစင်ကြယ်စွာနဲ့ အပြစ်ကင်းအောင်နေရင် အတိုင်းအတာတစ်ခုလောက် စိတ်ချမ်းသာမှု ရနိုင်ပါတယ်။ အပြစ်မလုပ် တဲ့သူဟာ အပြစ်ဒဏ်ခံရမှာကို ပူပန်နေစရာမလိုတဲ့အတွက် မိမိကိုယ်ကို ယုံကြည်မှုရှိနေပါတယ်။ မိမိရဲ့ သီလစင်ကြယ်မှုကို ဆင်ခြင်မိတိုင်းလဲ စိတ်ချမ်းသာစရာ ဖြစ်နေပါတယ်။ မေတ္တာပွားခြင်း၊ ဗုဒ္ဒနုဿတိပွားခြင်းနဲ့ သတိပဌာန် ကျင့်စဉ်တွေဟာလည်း စိတ်ကိုကြည်လင် သန့်ရှင်းစေပါတယ်။ စိတ်ချမ်းသာနေရင် အိပ်ပျော်စားဝင်ပြီး၊ ကိုယ်ခံအားကောင်းစေ ပါတယ်။ မြတ်စွာဘုရား ဆုံးမတော်မူခဲ့တဲ့အတိုင်း မကောင်းမှုရှောင်၊ ကောင်းမှုဆောင်၊ ဖြူစင်စိတ်ကိုထားနိုင်ရင် ကျန်းမာပျော်ရွှင်စွာ နေနိုင်ပါတယ်။

ကျန်းမာစေတဲ့ နောက်အကြောင်းတစ်ခုက ရာသီဥတု ဖြစ်ပါတယ်။ ကျွန်မတို့ ရထားတဲ့ ရုပ်ခန္ဓာကြီးက အပူအအေး စတဲ့အပြောင်းအလဲတွေကြောင့် ဖောက်ပြန်ပျက်စီးတတ်တဲ့ သဘောရှိပါတယ်။ ဖောက်ပြန်တတ်တဲ့ ရုပ်ခန္ဓာကြီး ရောဂါမဖြစ်အောင် ဆင်ခြင်နေထိုင်တတ်ဖို့ လိုပါတယ်။ ပူသောရာသီ၊ အေးသောရာသီအလိုက် လိုက်လျောညီထွေ ဖြစ်အောင် နေကြရပါမယ်။

နောက်ဆုံးဖြစ်တဲ့ ကျန်းမာခြင်းအကြောင်းကတော့ အာဟာရ ဖြစ်ပါတယ်။ အစဉ်မပြတ် ဖြစ်ပျက်ပြောင်းလဲနေတဲ့ ရုပ်သဘော နာမ်သဘောတွေကို နေ့စဉ်စားနေတဲ့ အာဟာရက ထောက်ပံ့ပေးထားပါတယ်။ အာဟာရမျှတနေရင် ကိုယ်စိတ်နှစ်ပါး ကျန်းမာစေပါတယ်။ အာဟာရမျှတတယ် ဆိုတဲ့နေရာမမှာ လိုအပ်တာထက် ပိုမစားဖို့လဲ အရေးကြီးပါတယ်။ ဆင်းရဲတဲ့လူတွေ အာဟာရမလုံလောက်လို့ အသက်တိုကြသလို၊ စားနိုင်သောက်နိုင် တဲ့သူတွေကလည်း အစားကျူးလို့ ရောဂါထူကြပါတယ်။ တချို့က အလုပ်များလို့ ကြုံသလိုစားရင်း ရောဂါရကြပါတယ်။

အာဟာရချို့တဲ့လို့ ဖြစ်ရတဲ့ရောဂါတွေကို ကာကွယ်နိုင်ဖို့အတွက် ဆင်းရဲမွဲတေခြင်းက လွတ်မြောက်ရေးကို ထိထိရောက်ရောက် ဆောင်ရွက်ရမှာ ဖြစ်ပါတယ်။ အထူးသဖြင့် ကိုယ်ဝန်ဆောင်မိခင်တွေ နို့တိုက်မိခင်တွေ အာဟာရ လုံလောက်ဖို့လိုပါတယ်။ မိခင်နဲ့ ကလေးသူငယ်တွေ အာဟာရလုံလောက်မှ အနာဂတ်မှာ ကျန်းမာကြံ့ခိုင်ပြီး၊ ဥာဏ်ရည်ကောင်းတဲ့ လူ့အရင်းအမြစ်တွေ တိုးပွားလာမှာဖြစ်ပါတယ်။ နေ့စဉ်အာဟာရ စားသုံးတဲ့အခါမှာ မနက်စာဟာ အလွန်အရေးကြီး ပါတယ်။ အလုပ်သမား၊ ၀န်ထမ်း၊ကျောင်းသားနဲ့ အိမ်ရှင်မတွေအားလုံး မနက်စာကောင်းကောင်း စားပြီးမှ တစ်နေ့တာအလုပ်ကို ဆောင်ရွက်သင့်ပါတယ်။ မနက်စာကောင်းကောင်းစားပြီးရင် နေ့လည်စားကို ပုံမှန်စာသုံးပါ။ ကိုယ်အလေးချိန် လျှော့ဖို့လိုတဲ့သူတွေက ညနေစာကို လျှော့စားသင့်ပါတယ်။ ၀ိတ်ကျအောင် မကြာခဏ ဥပုဓ်စောင့်နိုင်ရင် သိပ်ကောင်းပါတယ်။အ၀လွန်ခြင်းကြောင့် ကင်ဆာရောဂါ၊ နှလုံးသွေးကြောကျဉ်းရောဂါ၊ ဆီးချို၊သွေးတိုး၊ အသည်းအဆီဖုံးခြင်းနဲ့ ကျောက်ကပ်ရောဂါတွေ ဖြစ်နိုင်ပါတယ်။

အ၀လွန်ခြင်းနဲ့ နာတာရှည်ရောဂါတွေကို ကာကွယ်ဖို့ ဆီလျှော့စားရမယ်။ အချိုလျှော့စားရမယ်။ အငံနဲ့ အချို့မှုန့်ကို ရှောင်ရမယ်။ ပိုးသတ်ဆေးသုံးတဲ့ ဟင်းရွက်သီးနှံတွေ၊ ကြာရှည်ခံအောင် ပြုလုပ်ထားတဲ့ အစားအစာတွေဟာလည်း ကင်ဆာဖြစ်ရောဂါ ဖြစ်စေနိုင်ပါတယ်။ ကိုယ်တိုင်စိုက်ပျိုးစားဖို့ မဖြစ်နိုင်တော့ စားသမျှတွေ ရောဂါမရအောင် တရားအမှတ်နဲ့ စားရမလိုဖြစ်နေပါတယ်။ ဒေါက်တာ မင်းတင်မွန်ရေးတဲ့ စာအုပ်မှာ တော်ကူးဆရာတော် ဘုရားက မိန့်တော်မူထားပါတယ်။ တရားအမှတ်နဲ့စားရင် ဘယ်စားစရာမဆို တည့်တယ်လို့ ဆိုပါတယ်။ ရောဂါရမှာ ကြောက်တဲ့ သူတွေ စားရင်စားတယ်၊ ၀ါးတယ်၊ မျိုချတယ်စသဖြင့် အမှတ်သတိနဲ့စားပါလို့ပဲ အကြံပြုချင်ပါတယ်။ (ကျွန်မကိုယ်တိုင်တော့ အဲဒီလိုမကျင့်နိုင်သေးပါ။)

အစားအသောက်ကနေ ရတဲ့ရောဂါအန္တရာယ်တွေကို လျှော့ချနိုင်ဖို့အတွက် စားသုံးကုန် ထုတ်လုပ်သူတွေ၊ စားစရာ ရောင်းတဲ့သူတွေကို ပညာပေးစည်းရုံးဖို့လို ပါတယ်။ စားသောက်ကုန် ထုတ်လုပ်ရောင်းချမှုနဲ့ ပတ်သက်တဲ့ ဥပဒေစည်းကမ်းတွေကို တိတိကျကျလိုက်နာအောင် ထိထိရောက်ရောက် အရေးယူတာတွေလည်း ရှိရပါမယ်။ ၀ယ်ယူစားသုံးသူတွေရဲ့ ကောင်းကျိုးကို ငှဲ့ညှာတတ်တဲ့ အကျင့်သီလကောင်းတွေ မွေးမြူလာအောင် လေ့ကျင့် ပေးရပါမယ်။ စားသုံးသူတွေ ဘာဖြစ်ဖြစ်၊ ငါပိုက်ဆံရဖို့၊ အမြတ်များများရဖို့အဓိကလို့ မတွေးဘဲ၊ သူလည်းချမ်းသာ ကိုယ်လည်းရွှင်လန်း ၀မ်းမြောက်ရအောင် နှစ်ဦးနှစ်ဖက် အကျိုးကို စဉ်းစားသင့်လှပါတယ်။ စားသုံးကုန် ထုတ်လုပ်ရောင်းချသူများ ကိုယ်ချင်းစာစိတ်ကလေးထားလိုက်တာနဲ့ ဆိုးရွားလှတဲ့ ကင်ဆာရောဂါ အန္တရာယ်ကို ငါးဆယ်ရာခိုင်နှုန်းမက လျှော့ချနိုင်ပါတယ်။ နိုင်ငံသားတွေ ကျန်းမာဖို့၊ တိုင်းပြည်တပြည် ဖွံ့ဖြိုးတိုးတက်ဖို့ စားသုံးကုန် စိုက်ပျိုးထုတ်လုပ် ရောင်းချသူတွေရဲ့ အခန်းကဏ္ဍဟာ သိပ်ကိုအရေးကြီးပါတယ်။

ကံ၊စိတ်၊ဥတု၊ အာဟာရဆိုတဲ့ ကျန်းမာစေတဲ့ အကြောင်းတွေထဲမှာ ကံ( ကိုယ်တိုင်ပြုသောကံ)ဟာ နံပါတ်တစ်နေရာ မှာဖြစ်ပါတယ်။ ကျန်းမာခြင်းကို မိမိကိုယ်တိုင် ပြုပြင်ဖန်တီးယူရမှာပါ။ ဆေးရုံဆေးခန်းကို အားကိုးမနေပဲ ကိုယ့်အားကိုယ်ကိုး၊ ကိုယ်တာဝန် ကိုယ်ယူပြီး၊ ကျန်းမာရေးကို ကိုယ်တိုင်စောင့်ရှောက် ကာကွယ်ကြဖို့ တိုက်တွန်းချင်ပါတယ်။ ကိုယ်တိုင်ကျန်းမာအောင် နေထိုင်ရင်း၊ သူတပါးကျန်းမာရေး ထိခိုက်စေမဲ့ အပြုအမူတွေကိုလည်း ရှောင်ကြဉ်စေချင်ပါတယ်။ လူတိုင်းကိုယ်စီ ကျင့်ဝတ်သီလတွေ စောင့်ထိန်းကြရင်၊ ကိုယ်ချင်းစာစိတ်ရှိကြရင်ဖြင့် ကျန်းမားခြင်းဆုလဒ်ကြီးကို လူတိုင်းနီးပါး ပိုင်ဆိုင်ရပါလိမ့်မယ်။ ကျန်းမာပျော်ရွှင်ကြပါစေ။

စံပယ်ဖြူ